மதுரை அரசு மருத்துவமனையில் செவிலியர்கள் போராட்ட முடிவு

மதுரை அரசு மருத்துவமனையில் பணியாற்றும் செவிலியர்கள், தங்களது பணிச்சுமை மற்றும் பணியிட பற்றாக்குறையை கருத்தில் கொண்டு பல்வேறு கோரிக்கைகளை முன்வைத்துள்ளனர். குறிப்பாக, செவிலியர்களை வேறு இடங்களுக்கு பணியிட மாற்றம் செய்யும் வகையிலான பணி நிரவல் அரசாணையை ரத்து செய்ய வேண்டும் என அவர்கள் வலியுறுத்தியுள்ளனர். மேலும், தற்போதுள்ள செவிலியர் பற்றாக்குறையை உடனடியாக சரிசெய்ய வேண்டும் என்றும் கோரிக்கை விடுத்துள்ளனர்.

அரசு மருத்துவமனைகளில் காலியாக உள்ள செவிலியர் பணியிடங்களை விரைவாக நிரப்ப வேண்டும் என்பதும் செவிலியர்களின் முக்கிய கோரிக்கையாக உள்ளது. போதிய பணியாளர்கள் இல்லாததால் ஏற்கனவே பணியில் உள்ள செவிலியர்களுக்கு கூடுதல் பணிச்சுமை ஏற்படுவதாகவும், இதனால் நோயாளிகளுக்கான சேவையில் பாதிப்பு ஏற்படும் சூழல் உருவாகலாம் என்றும் அவர்கள் தெரிவித்துள்ளனர்.

இந்த கோரிக்கைகள் தொடர்பாக அரசு தரப்பில் உரிய நடவடிக்கை எடுக்கப்படும் என செவிலியர்கள் எதிர்பார்த்து வருகின்றனர். வரும் ஆகஸ்ட் 17ஆம் தேதி அரசின் அறிவிப்பை எதிர்பார்த்து காத்திருப்பதாகவும், தங்களது கோரிக்கைகளுக்கு சாதகமான முடிவு கிடைக்காவிட்டால் அடுத்தகட்ட போராட்ட நடவடிக்கைகள் குறித்து முடிவு செய்யப்படும் என்றும் தெரிவிக்கப்பட்டுள்ளது.